INTEGRIDADE DETERMINA PÓLITIKA DIAK, ATITUDE NU’UDAR FUNDASAUN

História Timor – Leste, hanorin tiha ona ita Timor oan tomak nia hanoin hodi matenek ba haree hodi utiliza ita nia hanoin, ita neon, ita nia isin ba halo asaun ida ho hanoin oi-oin, maibe ida deit ba dezenvolvimentu ita nia rain, konkretizasaun ba dezevolvimentu ita rain, presija hanoin sira ne’ebé Timor – oan barak buka – hetan iha fatin barak nu’udar prosesu ne’ebé lao liu, ho hanoin ikus ba hamutuk hodi halo asaun dezenvolvimentu iha ita nia rain.

Harií nasaun sai rai ida indepedenti laos fasil, hodi fó nasaun nia Naran laos fasil atu hanaran, dala ruma hanoin lubun wain ne’ebé presija,  liu hosi soe isin ba fakar ran, ruin naklekar, lakon familia tamba hakarak moris iha liberdade, Nune’e ikus mai ita Timor oan barak hetan terus tamba hakarak moris iha liberdade, ultima espetativa konkista tiha liu hosi sofrimentu bar-barak, liberdade sai tiha oportunidade ba sira ne’ebé matenek husik hanoin furak ba buka buat diak “hanoin ema barak nia ka pessonal” sai tiha nakukun tamba hanoin naruk iha hakarak barak tan deit iha kbiit hanoin klean.

Moris iha Nasaun ida presija iha nia aparesian politika ida simples, hanoin ida klean ba nia rain, Demokrasia nia odamatan loke luan tiha hanoin hakarak atu buka tu’ur fatin, haree ba loron festa demokrasia besik daudaun ona, hahu dadauk mos hanoin barak oinsa mak hau bele tu’ur nafatin ka oisa mak hau bele ba tu’ur iha ne’eba. 

Ambisaun dekora tiha demokrasia, hanoin atu halo pólitika ida diak sai tiha buat susar ida iha ema wain sira nia hanoin, nune’e wainhira ita haree ba teoria karateristiku ne’ebé define hanesan ne’e “Karateritiku hanesan preparasun maduru humanu nia atu halo asaun”, maibe definisaun ida ne’e la vale wanhira maturidade iha politika lahatudu karateristiku ida diak, li – liu moris iha nasaun ida, sentidu domin ba rai sai nu’udar karateristika unika iha politika atu bele hetan buat ruma.

wainhira konseitu karateristiku iha leten liga ba politika, mak attitude nu’udar asaun individu ida-idak ka grupu ida. karaterisitku politiku nu’udar preparasaun grupu ka individu ba hakarak buat ruma, hakarak hotu presija iha karateristiku ba ema barak nia, maibe lafasil ida ne’e sai realidade.

atu bele konkretiza realidade ida diak no klaru mak fila fali ba id-idak nia pensamentu atu bele halo produsaun hanoin ida diak nu’udar rezultadu hosi attitude ema nu’udar humanu. Neduni atensaun “PÓLITIKA NUNKA AKONTESE ARBIRU, MAIBE WAINHIRA AKONTESE PRESIJA BUAT RUMA”

HAU NIA LIAN BA HAU AMAN SIRA

Ita fó Domin ho distansia ne’ebé do’ok iha nakukun no naroman nia klaran, hau Aman Sira….

Ita hari’is ho loron matan nia roman

Hau iha ne’e hateke ba hau nia Belun sira

Hateke ba kilat ho bandeira nia talin be korente rin besi asu

Iha Ai horis sira ne’ebé iha fatin ita horik ne’e nia klaran ho rai rahun

Ita bo’ot sira hatais hela uniforme Militar

Ita “Hau aman Sira” sai tiha buat Furak  ida mai hau

Ba hau husi do’ok haree kilat musan no kainaun nia lian, ba iha loron ne’e.

Nakukun hari’is ho loron matan nia manas

Koru azul taka tomak funu ne’e nia lalaok

Iha udan laran Hau aman sira ba simu morteiru, kainaun, kilat nia tarutu

Ita bo’ot sira nia fileira formatura uniforme sai tiha buat furak ida mai hau atu soin

Imi nia kilat musan hotu………..

ran nakali iha imi nia hirus matan

iha loron ne’e kedas, hau hananu muzika rezintensia hamutuk ho maluk sira seluk

ba satan no soin Dignididade nasaun no nia emar nian.

Dili, 19 Fulan-Outobru 2015

Claudio Marques Cabral, l,Ed

+670 77650882

Claudio Marques Cabral

CROCODILE LAND

Crocodile

It swan from the space of heaven

And stop by the deep of ocean calls “Timor”

Later it became the land according to the fairy tale

Crocodile

It suffered from lots of consequences

Bombs, Knives, guns and human’s behavior

Later, it become the lessons for all

Crocodile

We live in the memory

For better and for worst

We don’t fail to remember all lessons in the past

But in our day we realize that saving this land is like the regard for next generation.

MANU POMBU MUTIN TIMOR

Tasi nia laloran hananu ho nia kór mutin

Baku ba mai tasi ninin

Loro-matan lorosa’e loke nia matan

Manu kokorek hafanun Timor lorosa’e

Timor lorosa’e  haris loron matan nia Roman

Timor Hader Hodi Ukun An

Ukun an ida ne’e, lori midar no moruk ba moris

Midar ne’e halo ema hamnasa

Iha ema seluk nia terus

Moruk ne’e halo ema haluhan nia knar iha mundu

Mundu nakonu ho konflitu

Halo Timor sai Krekas tan hanoin barak

nia emar la rona malu, hakanek malu

maske feto naan ida deit

Maibe

Ohin ho komfiansa bo’ot

Manu pombu mutin timor hamri’ik halo marsa da paz no hateten ba nia emar

Hau sei hakribi komflitu;

Sei foti liman hasoru ema ne’ebé halakon ema seluk nia vida

Hau sei hanorin ba imi tuir natureza nia dadolin

Ramelau hamri’ik A’as atu hatudu katak Timor oan bele hamri’ik mesak hodi resolve nia problema rasik

Matebian tatolin lia dehan ema barak mate tan rai timor lorosa’e laos tan konflito

Kablake ho lian maka’as hakilar Dame ne’e laos impresta, maibe;

Kuda rasik

Rega rasik

Fo fuan rasik

Hamri’ik ba…………..

lalika tauk, ida ne’e komvida hosi ramelau, matebian no  kablaki

hahu ohin kuda ona dame iha ita ida-idak nia fuan

nune’e Bandeira Mutin mos merese atu hasae iha rai doben Timor lorosa’e.

 

DOMIN MAK HUM MORIS NIA

Karik ohin o hakarak atu tau  liman ba hau

Hau dehan

Hau hola parte iha ita bo’ot nia moris

Karik ida ne’e lo’os

O nia liman sei la kona hau

Ba sa

Ita hun ida abut ida

Mesak feton nia, nan nian deit

Lia fuan bele koalia naruk, hanesan fu’uk be naruk

Basa liman naruk ba o nia isin sorin ne’e moras

Fu’uk naruk bele kokotek ho hamnasa

Mais ida-idak mak bele hamnasa ho lo’os

Hau fiar imi fiar malu

Ba haburas domin, maibe nunka fiar domin ida be buras

Ba  hadomi o nia maluk

Hamnasa ho fu’uk ida be metan

Hamnasa ho isin ida be kabe’er

Hamnasa ho nehan ida be mutin

Hamnasa ho laran ida be dodok

Ne’e katak

Beik lahatene buat ida

Buka haketak malu tan deit

Riku no soin mundu nian.

Lilin ida sei lakan loron ruma

Sei tuba

Sei tane

Sei tutur

No sei tetu, hodi tetak

Atu bele konnese katak semak o nia hun  be sai o nia isin sorin agora

KUIDADU BA O NIA LIA FUAN

Lia fuan ba moris mak lia fuan ida be

Sai husi lidun ibun, fuan no neon

Keta rona lia balun iha nia sor-sorin ba hakilar

Basa lia fuan ne’e liman ne’ebé o lolo no latauk mate

Ema hotu bele konta o nia diak nu’udar storia, ne’e katak “Belun”

Ema hotu bele hamnasa ho laran iha kalan ne’e hodi dehan “o mak diak”

Basa ema ne’ebé mak iha storia ne’e ema riku

Ema hotu bele hamnasa hau, basa iha buat ida iha

O nia fuan

O nia isin

O nia neon

Karik o la mai husi hau

Hau hakilar

Kuidadu o nia lia fuan?